Kalikasan, Ating Kayamanan

Biyayang kaloob ng Diyos sa atin

Ang kapaligirang mayroong gandang angkin

ang ibinibigay ay kasaganaan

Isang kayamanang di mapapantayan

Ang lunting pananim sa mga bukirin

Masaganang ani ang hatid sa atin

Doon malalanghap ang hanging sariwa

Sa pagod na isip, ang dulot ay saya

Kaya tayong mga kabataan, huwag talikuran

Ang ating paligid huwag pabayaan

Inang kalikasan ating pagyamanin

Ang biyayang dulot huwag ubusin

Ina, Maligayang Kaawaran

Maligayang kaarawan sa iyo aking Ina,

Ina na nag-aruga sa akin mula pagkabata

Ngayong ako'y malaki na; hayaang ipadama, 

Yaring pasasalamat, sa paraang patula

Pagbati ko sa iyong kaarawan,

Sa ika-16 ng Disyembre

Dalangin ko sa Poong Maykapal

Pahabain sana angkin mong buhay

Huwag ka nang malumbay,

sa mga suliraning dinaranas

Sapagkat ako'y naririto

at handa kang tulungan

Hayaan mo akong,

Ika'y tulungan at paglingkuran

pagka't isa kang dakila,

Mahal kong Ina

Pag-ibig Ni Hesus sayo, Walang tutumbas

Ni: Krisly Joy J. Gloria

Siya ang nag-iisang haring makapangyarihan

Ama ng pagmamahalan

Panginoon ng kabutihan

Na handang manlingkod kaninuman

Tayo ay mga makasalanan

Kabutihang loob niya'y di natin maramdaman

Mga payo niya, di natin pinapansin

hanggang siya'y ating pagbayarin sa ating mga kasalanan

Siya ay nagdusa at ating pinabayaan

Walang awang pinahirapan

Kay igting pinarusahan

Lahat ng ito ay handa niyang kandungin

Naligo sa sariling dugo't laman

At ipinako sa krus ng walang pag-aalinlangan

Bago siya malagutan, siya ay nagwika;

"Ama, hindi nila alam ang kanilang ginagawa, kung kaya't sila'y patawarin"